2013: N1 Reykjavíkurskákmótið

Skákunnendur glöddust mjög þegar Friðrik Ólafsson settist að tafli í Hörpu, á hinu stjörnum prýdda Reykjavíkurskákmóti 2013. Friðrik var meðal keppenda á fyrsta mótinu 1964 og næsta hálfan annan áratuginn sigraði hann þrisvar á mótinu. Meistarinn hafði ekki verið með síðan 1982.

Óhætt er að segja að Reykjavíkurmótið hafi sjaldan verið betur skipað, með ofurstórmeistarana Anish Giri, Maxime Vachier-Lagrave, David Navara, Ivan Cheparinov og Ding Liren í broddi fylkingar, en þeir voru allir með meira en 2700 skákstig.
Enginn þessara miklu meistara náðu þó á verðlaunapallinn. Efstir og jafnir með 8 vinninga af 10 urðu Pavel Eljanov frá Úkraínu, Wesley So frá Filippseyjum og Bassem Amin frá Egyptalandi.
Mesta athygli vakti þó frammistaða hins 13 ára gamla Wei Yi sem fór ósigraður gegnum mótið og náði þriðja og síðasta áfanga sínum að stórmeistaratitli.
Friðrik hlaut 6 vinninga og sýndi á köflum bráðskemmtilega takta. Mesta athygli vakti skák hans við David Navara, þar sem Friðrik var hársbreidd frá sigri en varð að sætta sig við jafntefli.

Myndaalbúm frá mótinu.

Lokastaða mótsins.

2013: N1 Reykjavíkurskákmótið

Árangur Friðriks og vinningshlutfall

Reykjavik Open 2013
Friðrik Ólafsson

Player info
Umf	Borð		Name	Skákstig	Þjóð	Félag/land	Úrslit
1	14		Jonsson Olafur Gisli	1870	ISL	KR	s 1
2	112		Sat hjá	0			– ½
3	11	GM	Navara David	2710	CZE	Mahrla Praha	w ½
4	11		Drill Frank	2124	GER	SC Hattersheim	s ½
5	11		Omarsson Dadi	2212	ISL	T.R	w ½
6	11		Maack Kjartan	2136	ISL	TR	s 1
7	11	FM	Jayakumar Adarsh	2271	USA		w ½
8	11	GM	Esen Baris	2565	TUR		s 0
9	11		Steindorsson Sigurdur P.	2235	ISL	Briddsfjelagið	w 1
10	11	WGM	Mamedjarova Turkan	2280	AZE		s ½